Monster House@Shatin

同Mr. G去咗沙田睇Monster House.

佢放19:30， 但係我又唔想成日喺屋企。所以3點度就出咗去。

首先係到又一城。行PageOne，本來諗住扮晒嘢咁買杯嘢喺Pacific Coffee睇書，點知多人到...

結果去咗沙田，行咗一陣，又諗起以前好多嘢，因為我哋啱啱識時每個禮拜都會嚟。

果陣大家都唔會覺得悶。每一次出嚟啲時間都好快過，跟住又會好唔捨得講Bye Bye。

突然間覺得，如果你之前係咁俾人問幾時結婚時，我可以即刻開個聯名戶口，一齊儲錢，可能件事唔會係咁。唔會有人可以乘虛而入。

不過，我果時份人工只有8000大元，俾完屋企，真係好似儲唔到幾多。要儲廿萬唔知要幾耐。

同埋我不嬲都唔係一個下巴輕輕的人，唔係100%做到，我唔敢應承你。

或者我果時唔應該做廣告。

或者我應該做醫生。

或者我唔應該諗咁多。




e? 唔知講咗去邊添。套戲ok啦，d對白幾好笑，但係某幾句好似過咗時咁。

同意Mr. G所講，呢套戲細路睇咗可能發惡夢。

套戲唔係好恐怖。反而我隔離一位女性係又笑唔係又笑──笑位又笑，細路俾人追又笑，d人俾間屋食咗又笑……仲恐怖。

跟住去百人一朱，又諗番你送GD 92給我的驚喜。個鼻好酸。

Anyway, take care.