是但Up / 拮 / Plug / 塞

本來想喺上一個post度講，不過諗一諗，都係唔好，應該開多一個post 講。

買咗林海峰的是但Up DVD，幾好睇。

(好懷念黃子華那種有嘢想講、笑中有淚、睇完會有d嘢諗的楝篤笑。真係高。
唔知佢幾時會再做呢?雖然上一個無炭燒有d失望...)

但係最令我開心的是睇到Papajay (a.k.a. 趴趴仔，又即係 Jason Tsang)拍的幕後片段，忍唔住要講句:

好型，好勁呀!

神經俠侶 > $19

終於睇番一年之前已經有人介紹我睇的<<神經俠侶 >>。

好睇。

相比起一些新進導演所謂"前衞"的拍攝手法，老一輩的導演的拍攝技巧確是熟練得多。執人口水尾都係咁話，上一代的導演無論是敍事技巧、氣氛營造抑或鏡頭運用都比較好。

(那套<<亞嫂>>我看了十五分鐘就看不下去了，因為真的一頭霧水，眼高手低得太緊要了...)

在<<神>>片中，有幾個位的鏡頭、剪接真是無得彈!! (交代到劇情之餘，又添了戲味)

導演阮世生很擅長說一些小人物的故事(如<<忘不了>>的小巴司機)，這次的主角是警察，看得出做了很多的資料搜集，因為有很多細節不是憑空可以想像出來的。

看的時候我在想，噫，唔知老豆當年係咪都係咁o既呢?

如果你未睇，我誠意向你推薦呢套片。

P.S. 我都唔鍾意容祖兒，唔知點解就係唔鍾意佢。不過，佢呢次做得真係幾好。Eason的演技都幾驚喜，吳振宇就係一貫的高水準。

P.P.S 呢排3仔有好多幾好睇的廣告，e.g. 衞蘭在大學站un身un勢、光良在人叢中穿插)。好想問番以前的上司，即某4A廣告公司的Group Creative Director，點解人哋拍到，我哋拍唔到? 都係同一個客唧?

P.P.P.S 最新的一個老麥廣告，喺poster度掹個漢堡包出嚟。嘩，直dup網上條片都得o既?