呼~舒服晒~~

終於，終於都了咗其中一件心事，

今日，終於買咗Kay One，謝安琪的「新」碟。

鬆了一口氣。

之前一直掙扎著究竟買不買呢? 因為我上一次買廣東碟已經是幾年前的事...

不過，呢隻碟我真係聽完又聽，係幾好聽。

感覺係，咁難得香港有一位咁好o既女歌手，如果一次機會都唔俾佢，好似點都講唔通。

所以，加油! 期待你的新碟!

好想貼出嚟

好懷念那個時候，世界好像很簡單，很美好；一切也好像很公平、公正，只要你肯付出，就會有回報。

p.s. 呢個設計好靚

雜感...

《斷背山》

人人斷背，好x煩。套戲好睇，等出DVD，同佢再睇。

睇緊原著，好似仲好睇。



《17青春遁走》

我好out。好耐之前聽Halo提過，話好dark。我依家先睇，一口氣睇五集。開頭係感動，因為我都係咁，有好多會心微笑位。後來覺得古谷實都幾大野心，要以主角和身邊的幾個人去講日本社會青年人遇到的問題。投入感頓減，不過都會追。



《醫龍》

投入感好強，我諗以前如果我冇走，我會黐線。本嘢係誇啲，但係以漫畫形式去揭露日本醫療制度的黑暗，一個字: 服。

看的時候，諗起香港一套拍咗但未上 (定上咗?)的《龍虎門》，本漫畫好似出咗廿年仲出緊...

X咗一聲。



Travis - Singles

好多歌我都係隔咗一排 (一排可以係幾日、幾個月，甚至幾年)先覺得好聽。人人都話Coldplay好聽，係好聽，不過隻《X&Y》真係無咩驚喜俾到大家。

今朝，突然間random咗一首Turn，打個突，即刻由頭到尾聽一次隻Singles。正!

好，我認!

呢樣嘢如果你當面問我，我一定唔會認，仲會以鄙視的眼神反問你 :「唔係吓話，乜你鍾意佢架...」

誓(勢*)估唔到，喺某一個晴朗的朝早，當聽到呢一首歌，正在趕頭趕命換衫的我，成個人呆咗，企定定喺收音機前面足足三十秒...

我諗係因為黃雙駿的介紹: 佢話原來可以有一首歌，曲、詞、編、唱加埋，就有一種力量，可以令人有一種好特別的感覺。(佢仲試過聽呢首歌聽到喊。)

咁我當然冇喊。不過，之後，一整日，我的腦內就不時響起呢首歌...

我都唔知點解。

事先聲明，我是非常不喜歡這位歌手的，無論是人品、演技、歌藝也是四個字── 不敢恭維，從來也覺得他只是靠樣揾食。(唔好誤會，我冇因為呢首歌而對佢改觀。)

聽到呢首歌o既時候，我冇特別諗起某一個人、某一件事，某一個場面。只係有一種好特別的感覺，我都唔知點形容。就好似係，突然間返到去嗰一個時間，嗰一個時空...然後突然間發現，那個時候的我和現在的我，諗o既嘢原來已經好唔同，原來自己己經變咗咁多。無後悔、無失望，只係有一啲感觸。

好喇，賴感性完一大輪，要開估...

佢係，鄭伊健。首歌係，吻感。








*麻煩我做copywriter的朋友，如果你看到這篇blog的話，可以話俾我知應該係「誓估唔到」，定係「勢估唔到」?